Prank mèri Tèrye-Wouj la By Boomba Libertaire 🇭🇹

 Me objektif nou gen Pou Mèri #Tèrye-Wouj la 

Pran sanw byen fè lekti sou li 

Nap tann avi paw nan espas kòmantè a .

#1- Amelyorasyon enfrastrikti piblik yo : Modènize wout yo sa vle di wout kite kòmanse yo nap fini yo .

Nou vle renovasyon bilding piblik yo  tankou mache a epi lanse yon dènye apèl ba otorite yo Pou vinn vizite lise Nasyonal la .Nou vle  pi  amelyore aksè a dlo potab nan Komin nan fwa sa se tout bon . Nou vle tout moun Tèrye-Wouj gen dlo #potab 🚰 lakay yo.

 #2. Sipò pou edikasyon: Nou vle asire pi bon kondisyon pou lekòl lokal yo, sitou pou lekòl segondè yo .Nan tèt kole ak lòt responsab yo nou vle pran kontwòl Lekòl yo nan Komin nan 

Se sak fè nap mande Pou gen plis sipèvizyon Pedagojik nan Lekòl yo . Nou vle 

 garanti  Anpil resous edikatif, fòmasyon kontinyèl  Pou pwofesè premye ak dezyèm sik yo . Epi tou n ap mobilize Pou pwofesè yo jwenn pi bon trètman.

 #3. Devlopman ekonomik lokal: Nou Vle Ankouraje inisyativ lokal yo, tankou pwomosyon agrikilti (tankou kafe Terrier-Rouge), epi sipòte ti biznis yo pou yo kreye travay , pou ranfòse ekonomi lokal la.

#4. Jesyon efikas finans piblik: Nou  vle asire jesyon transparan fon minisipal yo epi optimize itilizasyon resous pou finanse pwojè ki itil kominote a. Se sak fè se Popilasyon an ap gen dwa mande nou kont Pou chak goud ki rantre/ soti nan meri a.

 #5. Pwoteksyon anviwònman: Nou vle Mete an aplikasyon jesyon fatra nan Komin nan , Nou Vle fè bon jan  rebwazman ak pwogram pwoteksyon resous natirèl pou prezève ekosistèm lokal la.

#6. Devlopman espò ak enfrastrikti kiltirèl: Ankouraje renovasyon teren foutbòl la epi sipòte evènman kiltirèl yo ak espòtif pou ankouraje enklizyon sosyal nan kominote pa nou an .

 #7. Patisipasyon sitwayen: Ankouraje transparans ak patisipasyon aktif sitwayen yo nan pwosesis pou pran desizyon nan Meri a atravè konsiltasyon piblik ak fowòm diskisyon nap gen Pou nou mete sou pye .

 #8. Ranfòse sekirite: 

Nou pral redinamize kesyon sekirite nan mèri a 

Sa vle di nou pral mande Popilasyon an ki jan de sekirite yo bezwen tout bon .

Travay ak otorite lokal yo pou ranfòse sekirite nan katye yo, konbat krim ak amelyore siveyans espas piblik yo.

 #9. Jesyon kriz ak ijans: Etabli plan preparasyon ak repons pou katastwòf natirèl, tankou siklòn oswa inondasyon, ki afekte Ayiti regilyèman.

 #10. Pwomosyon touris lokal: Nou Vle Devlope potansyèl touris rejyon an nan pwomouvwa eritaj istorik ak natirèl Nou tankou Miray Tèrye-Wouj la , Tanta , Danda ak lòt sit touristik yo , pandan y ap envesti nan enfrastrikti pou akeyi vizitè yo.

Di nou saw panse ? 

Boomba Libertaire 

Boomba Web TV 🦇 

#Organisation #urgence