Sa kite pase Tèrye-Wouj nan lane 1940

 #Journal #Tèrye-Wouj #Lakay anm 

By #Boomba #Libertaire 🇭🇹 

Sa ki te #pase #Tèrye-Wouj ri #Bwa #Legliz nan #lane 1940

Nan lane 1940, Tèrye-Wouj te yon ti kominote trankil nan nòdwès peyi a, kote lavi te mache dousman, e tout moun te konnen youn lòt. Nan epòk sa, plizyè lidè lokal te gen gwo enpòtans nan lavi sosyal ak administratif vil la. Agarus L’Amour, Petit Frère Ramsès, ak Louis Jean Louis te figi kle nan zafè kominote a, yo te souvan jwe wòl konseye ak gid pou tout moun. Pami moun sa yo, te gen tou fanmiy Miyoz Charles, ki te pote yon enèji nouvo ak espwa nan bouk la, espesyalman ak pitit fi yo te rele Jules Catiana, yon jèn fi bèl , e ki te respekte anpil nan kominote a.

Ant lane 1950 rive 1956, se Jean Prad Moïse ak Emmanuel Erickard ki te vin pran chèfdirijans nan vil la. Yo te kontinye travay pou kenbe lòd ak estabilite, pandan kominote a te ap grandi piti piti. Nan epòk sa, estimasyon lokal yo montre Tèrye-Wouj te gen anviwon 2,500 moun sèlman nan sant vil la. Ti vil sa te yon kote kote tout moun te konnen youn lòt, e nouvèl te gaye vit.

Se nan kontèks sa Rubens Joseph, yon jèn gason soti Limonade, te deside enstale nan Tèrye-Wouj. Rubens te gen yon kè plen amou, men li te gen yon pasyon espesyal pou Catiana, pitit fi Miyoz. Fanmiy la, wè jan Rubens te gen mwayen finansye, pa t pran anpil tan pou aksepte relasyon yo, san yo pa konnen sa lavi t ap pote pou yo. Kòm anpil moun nan Tèrye-Wouj, Rubens te gade maryaj kòm yon mwayen pou establisman sosyal, e li pa t pèdi tan pou fè desizyon li.

Maryaj Rubens ak Catiana te fèt rapidman, yon evènman ki te fè tout kominote a kontan. Tout moun te reyini pou selebre, manje ansanm, bwè ansanm, e ri ansanm jan pèp Tèrye-Wouj te toujou renmen fè nan okazyon espesyal. Sepandan, kè kontan sa a pa t dire lontan. Apre twa mwa maryaj la, Catiana tonbe malad grav e li mouri apre yon semèn ak yon fyèv ki pa t bay siy gerizon. Lanmò li te frape vil la tankou yon kout van frèt. Moun yo te boule nan tristès e anpil te pè marye ankò, paske premye maryaj sa a te kite yon mak pwofon nan kè tout moun.

Nan kilti nou, lè yon moun mouri, li nòmal pou kominote a ap chèche konnen rezon lanmò a.

Miyoz Charles, Manman Catiana, te pran responsablite pou eksplore sa k te pase. Li t al mande pou esplikasyon e moun yo te kòmanse pale. Selon kèk temwen, pwoblèm lan ta soti nan fanmiy Rubens. Sa te fè manman Catiana sezi, e li te santi nesesite pou gaye nouvèl la nan bouk la pou moun konnen verite a.

Men, malerezman, Rubens te deja kite Tèrye-Wouj. Nouvèl la te twò ta. Selon moun nan kominote a, tout moun ki marye ak Rubens te fini mouri, e moun pa t ka konnen si se te verite Miyoz te di oswa si se te yon malchans ki te swiv Rubens nan lavi li. Evènman sa te kite yon leson grav pou tout moun nan Tèrye-Wouj: pa janm kouri marye yon timoun oswa yon jèn moun ak yon moun yo fèk rankontre, paske lavi kapab pote gwo chagren san avètisman.

Depi lè sa a, istwa maryaj Rubens ak Catiana te vin yon referans nan vil la, yon istwa avètisman ki te sèvi kòm gid pou jenerasyon kap vini yo.

Li te montre ke lanmou ak prese pa toujou ale ansanm, e ke sajès ak tan toujou dwe prezan nan desizyon enpòtan tankou maryaj. Tèrye-Wouj te aprann yon leson ki te boule nan memwa tout moun, e li rete kòm yon chapit istorik ki sonnen tankou avètisman ak refleksyon sou lavi ak lanmò.

Boomba Libertaire 🇭🇹 

+509 39 98 97 18 WhatsApp 

Chak jou, wap jwenn :

✔️ Yon analiz detaye sou nouvèl yo

✔️ Deba sou lide

✔️ Yon lekti klè sou zafè sosyal, politik ak ekonomik peyi a .

📢 TERYÈ-WOUJ LAKAYANM JOUNAL

Paske enfòmasyon se pouvwa.

+509 39 98 97 18 WhatsApp 

Abonnez-vous à ma page 

Front Populaire pour changer Haïti ( plus de 500 articles disponibles)

Mon blog

https://stillboomba.blogspot.com/2021/09/role-des-jeunes-dans-la-promotion-dun.html ( plus de 2000 textes disponibles actifs depuis 2019 )

Mon ouvrage est disponible

http://www.morebooks.shop/bookprice_offer_eec4c94790379d09a904e4a42b9dc463a5ad9ddf?locale=fr&currency=EUR

Ma chaine Youtube

https://youtu.be/jcFSj9YD6yA

Facebook  : Boomba Libertaire

Co-Fondateur de l'Institut Français de Terrier Rouge Nord Est Haïti.